Etter underhaldning for dei minste og talentkonkurranse tidlegare på kvelden, opnast teltet for den yngre garde. FYK tek då over hovudscena, og då blir det garantert liv i teltet, som då (nesten) er fritt for vaksne.
Bergen Pipes & Drums
I år er me så heldige at fire medlemer frå Bergen Pipes & Drums kjem til Vikedal, og dei blir der heile helga! Dei kjem til å opptre i tide og utide, så følg med!
Rygir kjem med norsk folkemusikk!
Trioen Rygir skal spela i båthamna fredag ettermiddag. Dei spelar herleg, norsk folkemusikk og seier sjølv dei vil ut i verda og Noreg for å visa at «norsk tradisjonsmusikk virkelig swinger». Me gler oss svært til dei skal swinga Vikedal!
Amythyst Kiah til Vikedal!
Amythyst Kiah kjem til Vikedal, heilt frå Johnson City, Tennessee, og spelar for oss laurdag dag.
Du har kanskje ikkje høyrt om ho, men sjekk ho ut: https://www.youtube.com/watch?v=ovzdZLXWnIg
Paddies på Vikedal Vertshus
Møt Paddies; eit ekte haugalandsband som spelar blant anna irske trad-låtar og sjømannsviser. Dei avsluttar torsdagkvelden på Vikedal Vertshus!
Pakkers trio fredag og laurdag!
Pakkers trio er årets såkalla changeoverband, både på fredagen og laurdagen! Dei opnar begge dagane og spelar utover kvelden, og ut frå tidlegare år å dømma blir det truleg over gjennomsnittleg god stemning!
Blest til Vikedal!
Fredagen får du også sjå Blest som består av dei dyktige musikarane Paul Hansen, Torbjørn Økland og Calle Apeland, alle saman tidlegare medlemer av Vamp, i Vikedal. Me gler oss!
Firewoodisland
Neste band ut er Bristol-baserte Firewoodisland med Karmøybu Stian Vedøy som vokalist (oversett det til engelsk, så får du sjå kva du får!). Dei er blant anna lista på P3 med songen Dearest Brother, og skal spela hjå oss på fredag kveld.
Ingebjørg Bratland!
Nyttårsslepp! Laurdag spelar også sjølvaste Ingebjørg Bratland med band! Bratland står blant anna bak songen «Bror» som du heilt sikkert har høyrt på radio i haust, etter albumet «Hjarteskjell» kom ut.
Minnekonsert for Anton Holten
Den 23. september i haust mista familie, venner og sambygdingar Anton Holten i ei ulukke i Bergen.
Anton har vore med i dugnadsarbeidet før, under og etter festivalen i fleire år, og ikkje lenge før han omkom hadde han til og med sagt ja til å vera med i styret.
Etter innspel frå tidlegare leiar, Anne […]
