Vergeskjema
Me har vergeordning for dei under 18 år. Fyll gjerne ut vergeskjema før de kjem, og ta det med til festivalkontoret/bilettbua. Vedlagt ligg vergeskjema.
Informasjon
Informasjonsskriv til naboar
Informasjon om årets festival
I år (2022) blir Vikedal Roots Music Festival arrangert frå og med torsdag 14.07 til og med laurdag 16.07. Konsertane vil føregå i båthamna i Vikedal, i tillegg til ein kyrkjekonsert og ein konsert på Lysenuten.
Opprigging startar med opprigg av teltet i båthamna, laurdag 09.07, Onsdag kveld 13.07 blir det sett opp gjerder langs sentrumsgata, frå Vikedal sentrum og ned til båthamna, sjå kart i punkt 3.
Programmet startar torsdag 14.07 med gratiskonsert frå barn 09:30, kyrkjekonsert 17:00 og kveldsprogram i båthamna frå 20:30 - ca. 00:30. Fredagen er det konsert på Lysenuten 13:30 og program i båthamna frå 19:30 til omtrent 01:30. På laurdagen er det fiskefestival frå 10:00 og utover og konsertar frå 13:00 - 18:00, og frå 19:30 - ca. 01:30. Elles må ein rekna med noko lydprøvar på dagtid.
Informasjon om billettar
For å kompensera for ulempene arrangeringa av festivalen måtte medføra eigarar av bustader og hytter frå sentrum til båthamna og rundt båthamna, tilbyr Vikedal Roots Music Festival gratisbillettar til dei det gjeld.
Alle fastbuande og hyttenaboar innanfor feltet markert med blått i figuren under er omfatta av ordninga. Desse kan henta eit festivalpass eller to heildagpass på festivalkontoret.
Uavhengig av ordninga over ynskjer styret i Rootsen naturlegvis eit godt forhold til alle naboane sine, og at gjennomføringa av festivalen skal medføra ein så liten belastning som mogleg for omgjevnadene.
Me sørgjer difor som vanleg for inngjerding av eigedommar langs osen (sjå pkt. 3), og leiger inn profesjonelle vakter som, i tillegg til innleidd politi, patruljerer Vikedal for å sørga for ro og orden. Håper de ser med velvilje på arrangementa og blir med på festivalen!
Om de har forslag til korleis me kan forbetra oss, slik at belastninga for naboar blir mindre, mottar me gjerne synspunktet dykkar, helst per e-post til ronny.gjermundsen@hotmail.no.
Skisse over inngjerda festivalområde og sentrum
Skisse over eigedommar som får gratisbillett
